IT搵工哀歌
起香港討論區，淡友集中地-資訊科技版搵到呢張圖，睇完呢篇文，冇乜感覺，只因文中既說話我自己都講得太多。
其實諗返當初我有機會免學分讀IVE HD，真係唔應該揀讀電腦。
令到我Degree都要順勢讀返電腦。如果俾我重新揀多一次，我會讀社工，除左幫到人，人工高之外，就係前景好，香港未來只會有更多社會問題，需要更多社工。
不過其實香港的電腦行業，工作空缺的待遇真是時好時衰的，有時連續幾日的Job AD都未必有一份岩自己，但有時就一連有幾份合心水。
自我增值方面，我見到香港討論區網友經常追求"專業"資格，
我認為不如盡量裝備自己，到有好工時至知道未夠料去應徵就已經太遲。
不過並不是什麼都去學，做電腦最忌"乜都識，冇樣精。"呢。
雖然有好多人都同我講過話學新技術，最後都係"Dup石仔"，但做得耐電腦呢行，深明"技術"未必係升職條件，但絕對係生存條件，就算這一門技藝不能令你的人工突破樽頸位，職位亦不會有所晉升，但起咁惡劣既行頭下，至少都會有工作機會，未怕失業。
0 comments:
發佈留言