強積金蝕左我幾萬銀

強積金蝕左我幾萬銀

  10月 11, 2008    達Ming

---

以前就話[有強姦，冇焗賭]，政府搞個MPF，話就話幫人儲蓄，安享晚年，拎晒全香港打工仔既錢，去養班基金佬，拎晒o的錢去所謂投資，咁樣迫人投資法，同焗賭有乜分別?
安享晚年係佢地o的基金經紀，唔係我地。

MPF最終目的就係唔想再有咁多人問政府拎錢(如綜緩)，減少開支。
但係Manulife由年初到9月，我50% 保本/50%高風險，其實自2001年我開始打工要供MPF至今，已經蝕左我三萬幾銀(看下圖)，我自己買股票都冇蝕得咁勁，究竟o的錢投資左去邊???
我9月時，雷曼未執已經轉晒100%保本，如果唔係我估蝕夠8成都仲得。

呢幾日，原來對政府，夠惡夠多人一樣得，雷曼班人白紙黑字簽晒紙蝕左都話要拎返十成本金，MPF係大部份香港人都蝕，就算保本都蝕，但係就唔明點解冇人話遊行。我覺得MPF蝕到咁，仲慘過自己拎去賭，政府至要包底。

最慘係，你做得越耐，MPF果舊錢就越大，蝕既話自然就越多，當然賺都係越多，但係其實好多人都唔係話要必賺，直頭就唔想供。

就算搵工都有影響喇，明明我自己本身想搵萬六一個月, 就係因為要預埋要供MPF,要搵萬七，咁起老細角度，佢又要出一份，支出高左，到我手既人工自然又低o的。