懷念循道小學&循道中學
今天在Facebook中無意搵到中學時的級社，因為我中一時Repeat過，所以一時間見返當年認識的兩個Form既人，真係好感動~其實畢業到而家已經有12年，我一直都想返去會一會老師。不過冇去係因為，其實自己已經好少搵返舊同學，只係有幾個會keep contact，有6,7個間唔中會contact下咁，二o黎自己以前全級第尾，一年記缺點幾十個，唔知道老師佢地仲歡唔歡迎我返去。
其實我最想見返既老師有好多個，其中最想見既反而係以前最怕既訓導主任Miss Wong，仲有教過我既班主任，因為佢地都俾過好多次機會我。我好想返去同佢講，最後我都未死~哈哈哈~~
不過見返好多果年既人，真係唔同晒lu~~
好多女同學都靚左好多，男同學又型左好多，有o的仲要結埋婚，生埋仔。
但係見到以前鐘意既女同學，個樣冇乜變到，睇到佢Facebook張相真係好似返左去十年前!!!
不過學校真係變左好多，大左好多，靚左好多~
起學校網頁見到首校歌歌詞，我都仲記得點唱^^，不過好想行多一次每日返學都要行果條長命斜!!!
上網搵搵，原來連網頁都有埋，真係估唔到!
Methodist College
http://www.mckln.edu.hk/
畢業相,紅色箭咀就係我la~~
左二著灰色Suit那個就是我中學時的死敵Miss Wong，不過到現在我覺得其實佢係一個好老師。
2001年時的循中門口
我諗唯一冇變既，可能係呢個小學部既汽水部,當年一到小息就有好多人o黎呢度買支維他奶，企晒起度一面吹水，一面啜奶！
今年50啦..我今年升from 1 =,=小學部既汽水部?我未去過..第2張相左一係我班主任呀..
回覆刪除懷念簡校長。彭淑美是所有惡夢的根源。
回覆刪除下.....唔係ma~簡其亮果時好衰架wor~
回覆刪除彭淑美係咪下一任校長???不過其實諗返循中校規真係唔叫嚴架la~
E+個黃珮儀仲惡頂!!
回覆刪除