以下遊戲主機，你們見過嗎?
由細至大我都鐘意打機，由任天堂，世嘉，超任，各種手提機大部份都沒有錯過。
仲有幸玩過當年所謂次世代主機<3DO>，Bandai 曇花一現既<Playdai>，還有除衫野球拳和幫靚女影相Game既<Pioneer Laser Active>，仲有最少人知道既PC-FX。
回想返以前打機的日子，令我想起以下主機，你們見過嗎?
Pioneer Laser Active (玩LD-Rom的,聽過沒? o的Game都幾有"睇頭"架!!!當年好景訊達係咁播~~)
Panasonic 3DO-M2 (唔好睇小呢部野，當年佢係第一部可以完美移植SSFII X既主機，好多人為玩而買佢架！）
Bandia PlayDai (擁有強勁播片功能~但係可惜一年不到就摺埋，當時都賣得幾貴下。)
NEC PC-FX (為什麼我會玩過? 因為當年我有朋友想玩佢o的H-Game而買左佢，所以我有幸玩過下。)
經典的Sharp 超任電視
Mega Drive 的攔截者，這東西才是真正骨灰級的翻版機器，當時連超任都未出。我記得當年呢部在黃金商場賣$1680。
各款經典的SFC Doctor
其實超任還有兩件物品，很少人知，而且現在已經找不到。
其中一件叫 - 密碼寶 ，當時可以用這個東西配合Doctor改Game，改Game方法和現今差不多，都是找尋memory以16進制去修改數值，就算今日，我都覺得這個東西很神奇，而有一點搞笑的是，設計上的問題，這密碼寶其實很細，但插在密碼寶的Doctor又大又重，一不小心就會"反艇"，當年我和朋友都會找一個膠紙座去"頂"著部Doctor的。
另一件是Konami 出的Macro 超任手制，手制上寫住"必殺"兩個字，除了連射之外，最勁就是有Macro功能，你可以紀錄一段長達1分鐘的指令，記得當我我玩Romancing SAGA 2，就是用它去賺無限錢了。
現在想起玩SFC，Saturn，Dreamcast的時候是很快樂的。現在玩XBOX360，PC的遊戲，總是回不到兒時的味道。
0 comments:
發佈留言